Автомобиль йўллари қўмитаси томонидан Халқаро молия институтлари маблағлари иштирокида умумий фойдаланишдаги автомобиль йўлларини қуриш ва реконструкция қилиш инвестиция лойиҳалари доирасида Ўзбекистон Республикаси Президентининг 2020 йил 28 декабрдаги "Ўзбекистон Республикасининг 2021-2023 йилларга мўлжалланган Инвестиция дастурини амалга ошириш чора тадбирлари тўғрисида"ги ПҚ-4937-сонли қарорига асосан жорий йилда жами 154,0 млн.долл. маблағлар ўзлаштирилиши белгиланган. Шу жумладан, қуйидаги лойиҳалар доирасида қурилиш-монтаж ишлари амалга оширилади:

- "А-380 "Ғузар-Бухоро-Нукус-Бейнеу" автомобиль йўлининг 228-315 км қисмини (87 км) реконструкция қилиш" лойиҳаси доирасида – 40,0 млн. АҚШ долл. миқдоридаги маблағлар ўзлаштирилиши белгиланган (Осиё тараққиёт банки қарз маблағи);

- "Тошкент, Андижон, Фарғона ва Наманган вилоятларидаги маҳаллий автомобиль йўлларини ривожлантириш" доирасида – 35,0 млн. АҚШ долл. миқдоридаги маблағлар ўзлаштирилиши белгиланган (Жаҳон банки гуруҳи, ХТА);

- "А373 "Тошкент-Ўш" автомобиль йўлининг 173-176 км қисмларини реконструкция қилиш" лойиҳаси доирасида – 1,4 млн. АҚШ долл. миқдоридаги маблағлар ўзлаштирилиши белгиланган (Осиё тараққиёт банки қарз маблағи, А-373 "Тошкент-Ўш" автомобиль йўлининг 116-190 км қисмини реконструкция қилиш лойиҳасидан иқтисод қилинган маблағлар доирасида амалга оширилмоқда);

- "М39 "Алмата-Бишкек-Тошкент-Шахрисабз-Термиз" автомобиль йўлининг 1395-1400 км ва 1410-1426 км (21 км) қисмарини реконструкция қилиш" лойиҳаси доирасида – 18,0 млн. АҚШ долл. миқдоридаги маблағлар ўзлаштирилиши белгиланган (Ислом тараққиёт банки қарз маблағи, М39 "Алмата-Бишкек-Тошкент-Шахрисабз-Термиз" автомобиль йўлининг 1330-1395 км, 1400-1410 км ва 1426-1451 км (жами 100 км) қисмини реконструкция қилиш объекти доирасида иқтисод қилинган маблағлар ҳисобига мазкур объект қурилиши белгилаб берилган. Ушбу объект Сурхондарё вилоятининг Бойсун, Шеробод ва Ангор туманларидан ўтади;

- "4Р87 "Ғузор-Чим-Кўкдала" автомобиль йўлининг 38-73 км қисмини (35 км) реконструкция қилиш" лойиҳаси доирасида – 15,0 млн. АҚШ долл. миқдоридаги маблағлар ўзлаштирилиши белгиланган (Саудия тараққиёт жамғармаси ва Қувайт Араб итқисодий тараққиёт фонди қарз маблағи).

- "А-380 "Ғузар-Бухоро-Нукус-Бейнеу" автомобиль йўлининг 964-1204 км қисмини (240 км) реконструкция қилиш" лойиҳаси доирасида – 34,6 млн. АҚШ долл. миқдоридаги маблағлар ўзлаштирилиши белгиланган (Осиё тараққиёт банки қарз маблағи);

- "А-380 "Ғузар-Бухоро-Нукус-Бейнеу" автомобиль йўлининг 150-228 км қисмини (78 км) реконструкция қилиш" лойиҳаси доирасида – 10,0 млн. АҚШ долл. миқдоридаги маблағлар ўзлаштирилиши белгиланган (Осиё инфраструктуравий ва инвестициялар банки қарз маблағи).