2017 йилнинг 25 феврал куни Ўзбекистон Республикаси Ташқи ишлар вазири Абдулазиз Комилов мамлакатимизга ташриф буюрган Жанубий ва Марказий Осиё ишлари бўйича АҚШ Давлат котиби ёрдамчиси ўринбосари Даниел Розенблумни қабул қилди, - дея хабар қилди Ўзбекистон ТИВ расмий сайти.

Учрашувда Ўзбекистон-АҚШ муносабатлари масалалари ҳамда айрим халқаро ва минтақавий муаммолар юзасидан фикр алмашилди.

Суҳбат давомида 2017 йилнинг 1 феврал куни Тошкент шаҳрида бўлиб ўтган Америка-Ўзбекистон савдо палатасининг навбатдаги мажлиси якунлари ҳам кўриб чиқилди.

Учрашувда АҚШ Элчиси Памела Леора Спратлен иштирок этди.