Аввал хабар қилганимиздек, Ўзбекистон Республикаси Вазирлар Маҳкамаси ҳузуридаги Республика Йўл жамғармаси бошқарув кенгаши томонидан 2017 йилнинг 7 март куни тасдиқланган "2017 йилда Тошкент шаҳри туманларининг йўл инфратузилмасини ривожлантиришнинг манзилли дастури"га мувофиқ пойтахт кўчаларидаги таъмирлаш ишлари давом этмоқда.

Ҳозирги лавҳада қўмита таркибидаги фақат биргина ташкилот – "Трансйўлқурилиш" ДУК томонидан Тошкент шаҳрида амалга оширилган ишларга назар ташласак.

Айни вақтга қадар корхона томонидан пойтахтнинг бешта туманидаги бир қатор кўчаларда – умумий ҳисобда 11,81 км узунликдаги йўллар жорий ва тўла таъмирланди. Бунда - 207000 м² жойга асфальт ётқизилди, 3060 п/м лотоклар, 8840 п/м бордюрлар ўрнатилди ва бошқа ободончилик ишлари амалга оширилди.

Жумладан, Олмазор туманидаги - "Талабалар" кўчасида 2,86 км, "Мухбир" кўчасида 1,3 км, "Бешқўрғон" кўчасида 1,7 км; Учтепа туманидаги - "Гулистон" кўчасида 2,1 км, "Қурилиш" кўчасида 1,6 км; Чилонзор туманидаги Чўпонота кўчасида 1,1 км; Миробод туманидаги "Туркистон" кўчасида 0,9 км; Мирзо Улуғбек туманидаги Махтумқули кўчасида эса 0,25 км йўллар таъмирланди.

Қуйидаги фотосуратларда "Трансйўлқурилиш" ДУК томонидан пойтахтда амалга оширилган юқоридаги ишларнинг айрим мисоллари акс этган:

Бугунги кунда бошқа кўчалардаги йўл қурилиши ва таъмирлаш жараёнлари дастур бўйича давом эттирилмоқда.

Автомобиль йўллари давлат қўмитаси 

матбуот хизмати