O'ZBEKISTON RESPUBLIKASINING UMUMIY FOYDALANISHDAGI AVTOMOBIL YO'LLARI RO'YXATINI TASDIQLASH TO'G'RISIDA
O'ZBEKISTON RESPUBLIKASI VAZIRLAR MAHKAMASINING QARORI
(O'zbekiston Respublikasi qonun hujjatlari to'plami, 2010 y., 32-son,
270-modda; 2015 y., 30-son, 398-modda)
Umumiy foydalanishdagi avtomobil yo'llari tasniflari
o'zgarganligi, yangi yo'llar qurilgani va qayta qurilganligini, avtomobil yo'llarining
toponomik atalishidagi o'zgarishlarni inobatga olib, "Avtomobil yo'llari to'g'risida"gi
O'zbekiston Respublikasi Qonunining 5-moddasiga muvofiq O'zbekiston Respublikasi
Vazirlar Mahkamasi qaror qiladi:
1. "O'zavtoyo'l" davlat-aktsiyadorlik kompaniyasining
O'zbekiston Respublikasining umumiy foydalanishdagi avtomobil yo'llari ro'yxatiga
o'zgartirishlar kiritish to'g'risidagi taklifi ma'qullansin.
O'zbekiston Respublikasining xalqaro ahamiyatga
molik avtomobil yo'llari ro'yxati 1-ilovaga muvofiq;
O'zbekiston Respublikasining davlat ahamiyatiga
molik avtomobil yo'llari ro'yxati 2-ilovaga muvofiq;
O'zbekiston Respublikasining mahalliy ahamiyatga
molik avtomobil yo'llari ro'yxati 3-ilovaga muvofiq tasdiqlansin.
2. O'zbekiston Respublikasi Vazirlar Mahkamasining
"O'zbekiston Respublikasi umumiy foydalanishdagi avtomobil yo'llari ro'yxatini tasdiqlash
to'g'risida" 2005 yil 12 avgustdagi 194-son qarori o'z kuchini yo'qotgan deb hisoblansin.
3. Mazkur qarorning bajarilishini nazorat qilish
O'zbekiston Respublikasi Bosh vazirining o'rinbosari B.A. Xo'jaev zimmasiga yuklansin.
O'zbekiston Respublikasining
Bosh vaziri SH. MIRZIYOEV
Toshkent sh.,
2010 yil 5 avgust,
169-son
