Аvtomobil yoʼllari qoʼmitasi bilan Osiyo taraqqiyot banki (OTB) oʼrtasida tuzilgan kelishuvga asosan "А-380 "Gʼuzor-Buxoro-Nukus-Beyneu" avtomobil yoʼlining 964-1204 km qismini rekonstruktsiya qilish" loyihasi amalga oshirilmoqda. Loyihada 2020-2025 yillar davomida 240 km uzunlikdagi 2 polosali asfaltobeton yoʼlini 2 polosali sementobeton yoʼliga oʼtqazish bilan rekonstruktsiya qilish rejalashtirilgan. Shu sababli, loyiha doirasida OTB talablariga asosan "Er ajratish va koʼchirish rejasi" (LARP) hisoboti ishlab chiqildi. Qayta koʼchirish rejasi loyiha doirasidagi majburiy buzilishni baholash va qabul qilish tadbirlari, hamda aniq belgilangan muddatlar va byudjet hisobini oʼz ichiga oladi.

          O'zbekiston Respublikasining Andijon va Namangan viloyatlarida umumiy foydalanishdagi mahalliy ahamiyatga ega avtomobil yo'llarini to'la ta'mirlash. Ushbu loyihalar Andijon viloyatining 7 ta (Oltinko'l, Asaka, Buloqboshi, Izboskan, Marxamat, Qo'rg'ontepa va Ulug'nor) tumanlarida ja'mi 90 km bo'lgan 11 ta mahalliy ahamiyatga ega yo'llarni va Namangan viloyatining 8 ta (Pop, Chust, Namangan, Kosansoy, Uychi, Yangiqo'rg'on, Uchqo'rg'on va Norin) tumanlarida ja'mi 161 km bo'lgan 10 ta mahalliy ahamiyatga ega yo'llarni to'la ta'mirlashni o'z ichiga oladi.